Llu o ddigwyddiadau i bob oed – edrychwch ar yr amserlen
Ymhlith yr awduron mae:
Croeso i Gŵyl Bedwen Lyfrau 2008!
Mae Bedwen Lyfrau yn ŵyl lyfrau Gymraeg i'r teulu i gyd ac yn cael ei threfnu yn flynyddol gan Gwlwm Cyhoeddwyr Cymru. Cynrychiola'r Cwlwm gyhoeddwyr llyfrau Cymraeg ledled Cymru. Cafodd ei sefydlu yn 2002 er mwyn hyrwyddo a diogelu buddiannau'r aelodau. www.cwlwmcyhoeddwyr.com
Dyma'r drydedd flwyddyn i'r Fedwen gael ei chynnal, ond y tro cyntaf iddi fwrw gwreiddiau yng Nghrymych. Bydd yn defnyddio safle Ysgol y Preseli a Theatr y Gromlech ar ddydd Sadwrn 3ydd o Fai (rhwng 10.00 a 5.00) i gynnal amrywiol weithgareddau.
Ar nos Wener 2il o Fai cynhelir noson arbennig yn Theatr y Gromlech fel rhan o'r ŵyl – Nosweth Bobol Rygbi. Noson hwyliog yn dathlu cysylltiad y byd llyfrau gyda byd y bêl hirgron fydd hon gyda chyfweliadau gydag awduron, lansio cyfrol newydd i blant, cyfweliad gydag un o sêr y byd rygbi, cystadleuaeth limrig ar y noson a pherfformiadau gan artistiaid lleol. Noson i'r teulu i gyd!
Nos Wener
Nosweth Bobol Rygbi
- Alun Wyn Bevan
- Bethan Gwanas
- Wyn Gruffydd
- Caryl Parry Jones
- Clive Rowlands
- John Davies
- Gareth William Jones
- A pherfformwyr lleol o fri
Cystadleuaeth limrig ar y noson - gyda Caryl yn feirniad
7.30pm Nos Wener, Mai 2ail, Theatr y Gromlech, Crymych
Pris mynediad: £5 gyda gwydraid o win am ddim. Ar ôl hynny, dewch â'ch potel! Plant: Mynediad am ddim